70 жилийн хугацаанд бид дотоодын жижигхэн лабораториос дэлхийн шилдэг женерик эм үйлдвэрлэгч компаниудын нэг болтлоо өргөжсөн.

Бидний өрсөлдөх чадвар нь баялаг туршлага, хөгжилд чиглэсэн сэтгэлгээ, шинэлэг шийдэл, өндөр чанартай женерик эм, дэвшилтэт технологи, үйлдвэрлэлийн өргөтгөлд зориулсан тасралтгүй хөрөнгө оруулалт, бүртгэл, маркетинг борлуулалтын өргөн сүлжээ зэрэг давуу талуудтай холбоотой.

Бид өөрийн стратегийг женерик эм үйлдвэрлэгчийн  байр сууриас тодорхойлдог. 16 тэрбум гаруй шахмал, капсулын үйлдвэрлэл, найдвартай ханган нийлүүлэлт нь биднийг түгээмэл тохиолдох эмгэгийн эмчилгээнд өвчтөн болон эрүүл мэндийн байгууллагын найдвартай түнш болгодог.

Бүтээгдэхүүн, үйлчилгээний борлуулалтаас жил бүр олж буй 1.8 тэрбум еврогийн орлого нь биднийг дэлхийн тэргүүлэгч эм үйлдвэрлэгчдийн эгнээнд багтаадаг. Шинэлэг женерик эм бэлдмэл, хөрөнгө оруулалт, шинэ зах зээлд нэвтрэх нь зах зээлд эзлэх байр суурийг бэхжүүлж бизнесийн амжилтын баталгаа болдог.

Бид чанар, инноваци, хөгжлийн төлөө тууштай ажиллаж, борлуулалтын орлогынхоо 10% -ийг судалгаа, хөгжүүлэлтэд зориулдаг. Эрүүл мэндийн салбарт хамгийн шилдэг нь л шаардлага хангадаг. Тиймээс бид эм тус бүрийн хөгжүүлэлтийг нарийн төлөвлөдөг. Бид бүтээгдэхүүнийхээ чанарыг баталгаажуулахын тулд идэвхтэй бодисын хөгжүүлэлтээс эхлээд эцсийн бүтээгдэхүүн үйлдвэрлэх хүртэлх үйлдвэрлэлийн бүх үе шатыг нарийн хянадаг.